Senior aanklaer aangewys om TMPD-korrupsiesaak te hanteer
AfriForum se privaatvervolgingseenheid is verheug deur die Nasionale Vervolgingsgesag (NVG) se besluit om senior aanklaer adv. Rachelle van der Walt aan die hoof te laat staan van die saak teen drie beamptes van die Tshwane Metropolisie wat van omkopery aangekla word. Emmanuel Thovhakale, Michael Soomo en Lerato Molope staan tereg op aanklagte van korrupsie en afpersing. Daar sal na verwagting bykomende aanklagte bygevoeg sal word.
Die trio het vinnig in die Pretoria-streekhof verskyn waarna die saak uitgestel is om Van der Walt die geleentheid te gee om die ondersoekbeampte by te staan om die ondersoek af te handel. Die privaatvervolgingseenheid is deur Uvaldi Theologo, die slagoffer, en Grandi Theunissen, Tshwane-burgemeesterskomiteelid vir gemeenskapsveiligheid, genader om in waaksaamheidsopdrag op te tree in hierdie saak – Theunissen was ook ’n getuie tydens hierdie insident.
Hierdie is een van verskeie sake waarby metropolisie-amptenare betrokke is waar dié eenheid deur klaers genader is om geregtigheid en aanspreeklikheid te verseker.
Daar word beweer dat Theologo op 10 Julie 2022 deur die drie beskuldigdes afgetrek is terwyl sy in Solomon Mahlangu-rylaan gery het. Sy beweer dat die beamptes haar daarvan beskuldig het dat sy haar voertuig sonder ’n amptelik gestempelde permit bestuur het en het R3 000 kontant geëis om te verhoed dat haar motor geskut word. Theologo het geïntimideer gevoel en beweer dat die beamptes haar na ’n OTM gevolg het, maar sy kon nie die kontant onttrek nie. Sy beweer die beskuldigde het haar huis toe gevolg en beweer dat sy buite haar huis ’n selfoonnommer gekry het waarheen sy R3 000 met behulp van ’n eWallet-fasiliteit moes oorplaas
Terwyl die beamptes langs die pad met Theologo besig was het Theunissen, wat toevallig verby gery het, stilgehou om te verneem of alles in orde is. Hy het homself as die burgemeesterskomiteelid van gemeenskapsveiligheid voorgestel – op hierdie stadium het die beamptes na bewering nog nie omkoopgeld van Theologo geëis nie. Die beamptes het Theunissen verseker dat hulle hul pligte uitvoer soos dit van hulle verwag word. Theologo het Theunissen ná hierdie insident gekontak om hom te vertel wat gebeur het ná hy weg is. Theunissen het haar aangemoedig om ’n saak teen dié drie beamptes te open en haar verder daarmee ondersteun. Community Safety MMC voorgestel. Aangesien dit plaasgevind het voordat die beamptes glo vir die omkoopgeld gevra het, is Theunissen verseker dat die metropolisiebeamptes hul pligte uitvoer soos verwag is. Dit was ná hierdie voorval dat Theologo die MMC gekontak het om hom in te lig oor wat gebeur het. Theunissen het Theologo toe aangemoedig en ondersteun toe sy ‘n strafsaak teen die drie geopen het.
Adv. Gerrie Nel, hoof van die privaatvervolgingseenheid, het die NVG geloof vir sy besluit om hierdie saak aan Van der Walt toe te wys. “Ek is vol vertroue dat die staat ’n sterk saak het en vol vertroue dat ’n gesoute aanklaer met baie jare se ondervinding aangewys is om dit te hanteer. Om ’n einde aan korrupsie binne wetstoepassingsagentskappe te bring, is dit noodsaaklik dat diegene wat van sulke misdade beskuldig word, skuldig bevind en toepaslik gevonnis word. ’n Klimaat van straffeloosheid laat korrupsie toe om te floreer,” sê hy.
Nel het bygevoeg dat Theunissen se betrokkenheid nie net deurslaggewend is vir hierdie saak nie, maar vir elke aangeleentheid waar sulke bewerings metropolisie-amptenare in die gesig staar. “Die plaag van korrupsie kan slegs uitgeroei word waar daar politieke wil en deursettingsvermoë van leierskap binne wetstoepassingsagentskappe is. Gelukkig vervul burgemeesterskomiteelid Theunissen daardie rol,” sluit Nel af.
Die saak is uitgestel tot 12 Maart 2024.
