Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Weskus-tak ruim kuslyn op

DeurAfriForum 04/10/202204/10/2022

AfriForum se Weskus-tak het op 2 Oktober 2 km se kuslyn in die Langebaan-omgewing opgeruim.

Dié tak het dit goedgedink om ’n skoonmaakaksie te loods en 2 km se kuslyn skoon te maak. Talle vrywilligers het op die dag kom hand by sit. Daar is een stortbak, ’n vierwielaangedrewe bakkie en twee waentjies vol vullis weggery. Ná die dag se harde werk kon die vrywilligers heerlik aan ’n worsbroodjie smul en lekker saam kuier.

“Daar is nie ’n beter gevoel as om te sien hoe die gemeenskap inspring om self ’n verskil te maak nie. Ons is dankbaar vir elke vrywilliger wat op die dag kom help het. Ons sien uit om volgende keer nog meer lede van die gemeenskap daar te sien,” sê Sidney Monk, voorsitter van die Weskus-tak.

Die Weskus-gemeenskap word aangemoedig om by dié AfriForum-tak betrokke te raak en ’n daadwerklike verskil in hul gemeenskap te maak: SMS “Weskus” na 45350 (R1) om vandag nog aan te sluit.