Onderwys en leierskapprojekte

Kultuursake is verantwoordelik vir nasionale strategieontwikkeling, projekte wat met internasionale skakeling verband hou, en terreine wat met taal en kultuur verband hou.

JOU EENSTOP-ONDERWYSINLIGTINGSBLAD

AfriForum is ten gunste van gehaltemoedertaalonderrig en fokus daarom veral op Afrikaanse skole. Ons beveg enige poging wat die etos en gehalte bedreig van onderrig wat by dié skole aangebied word.

Stuur gerus enige navraag oor onderwyssake aan onderwys@afriforum.co.za.

Kontak die volgende persone vir meer inligting:

Teenboelieveldtog


Leandie Bräsler
leandie.brasler@afriforum.co.za

Tania Scheepers
tania.scheepers@afriforum.co.za

Dink of Sink-debatskompetisie


www.dinkofsink.co.za

Navrae


Tania Scheepers tania.scheepers@afriforum.co.za

Besigheidsbytjies

Entrepreneuskompetisies en -opleiding vir leerders

Leandie Bräsler
leandie.brasler@afriforum.co.za

Tania Scheepers
tania.scheepers@afriforum.co.za

Gereelde kwessies:

Kontak die skool se beheerliggaam vir leiding.

Rig jou navraag aan die AfriForum-traumaeenheid.

Kontak FEDSAS of die ouerbeheerliggaam, of die SAOU in geval van dreigement teen personeel.

Kontak FEDSAS of die SAOU.

Kontak Akademia of Stefan Pieterse by Helpende Hand.

Kontak FEDSAS.

Kontak FEDSAS.

Kontak FEDSAS.

Kontak FEDSAS of Melanie Buys.

Kontak FEDSAS of Melanie Buys.

Kontak Helpende Hand (Hannie Viljoen of Stefan Pieterse) of Akademia.

Word ongelukkig nie toegestaan nie.

Kontak AfriForum Jeug.

Kontak AROS.

Kontak Akademia.

JEUGLEIERSKAPONTWIKKELING

Dit is vir AfriForum belangrik om saam met leerders, onderwysers en ouers te werk om ’n verskil te maak en hoop in skole te skep. Elke kind in ons land verdien die nodige leiding om hul leierseienskappe te ontwikkel. Ons kinders is immers die leiers van môre. Saam met Manie Botha van Evolve Life bied ons leierskapsontwikkelingsessies vir graad 6- en 7-leerders by skole aan.

Stuur gerus ’n epos aan tania.scheepers@afriforum.co.za of leandie.brasler@afriforum.co.za as jou skool van hierdie diens gebruik wil maak.

Kleuterskole

Pandemierisikobestuursgids – ’n Gids vir Vroeëkinderontwikkelingsentrums in Suid-Afrika

Webinaar:  Risikobestuurs vir Kleuterskole

PROJEKTE

Teenboelie

AfriForum se teenboelieveldtog skep sedert 2017 regoor die land bewustheid en bemagtig laerskoolleerders om teen boeliegedrag op te staan en sélf ’n verskil in hul skole te maak.

Laai die Teenboeliegids hier af.

AfriForum het in 2020 nog ’n been van die teenboelieveldtog bekendgestel. Dié been3 fokus meer op hoërskole en die tema van selfdood. Afkounery en selfdood loop in baie gevalle hand aan hand en dit is dus belangrik om bewustheid hieroor te skep. Stuur gerus ’n e-pos aan tania.scheepers@afriforum.co.za of leandie.brasler@afriforum.co.za as jou skool van dié aanbiedinge gebruik wil maak.

  1. AfriForum se teenboeliegids:

Die AfriForum Teenboeliegids help kinders/leerders om die definisie en impak van boeliery/ afknouery te verstaan deur dit te vergelyk met ‘n lelike, omgekrapte boeliereus. Hierdie metafoor sal kinders help om bewus te raak van die rol wat hulle in afknouery speel: of hulle nou tipiese teikens is, die boelie self, of die omstanders – of selfs in al drie kategorieë val. Die rol van die omstanders kan veral as belangrik geag word. Hierdie gids is bedoel om kinders te help besef wat die krag van die omstanders is – om ‘n bondgenoot te word vir ander en om vir hulleself en vir ander op te staan. Die gids help hulle besef dat hulle beter empatie kan aanleer, hoe om meer betrokke te raak in goeie en vriendelike dade, en hoe hulle kan opstaan teen afknouery. Dit is belangrik om met hierdie bewusmaking reeds by kinders te begin, juis omdat hulle as agente van verandering kan optree om verder in die samelewing ‘n verskil te gaan maak.

As ‘n volwassene kan jy die inhoud van die gids met jou kind deel deur die gids met hulle te bespreek.

Mag ons kinders leer om hulle eie identiteit te koester en om ander mense met respek te hanteer. Ons kinders is die leiers van môre, hulle is ons land se toekoms. Jy as ouer of onderwyser maak ‘n reuse-impak in ons kinders se lewens: leer hulle om hulle liggies helder te laat skyn in die donker wêreld daar buite, sodat hulle ‘n verskil in ander kinders se lewens kan maak. Leer kinders om hulle maats op te bou in plaas van af te breek. Ons elkeen is uniek en uitgekies!

Laai die Teenboeliegids hier af.

  1. Hulpbrongids vir COVID-19-grendeltyd en ander krisistye-gids

Die COVID-19-pandemie het Suid-Afrika net soos die res van die wêreld tot stilstand gebring. Dit het nie net ’n groot impak op volwassenes en kinders se fisiese gesondheid nie, maar kan ook ’n geweldige impak hê op ons emosionele welstand. In hierdie onsekere tyd probeer almal aanpas by die nuwe “normaal”.

AfriForum het besluit om hande te vat met Impact Therapy Centre deur die gids wat die sielkundige Ashleigh Yaman opgestel het te vertaal. Hierdie gids is belangrik omdat dit kinders en volwassenes (ouers en onderwysers) bemagtig met tegnieke om tye wat deur angs en gevoelens van oorweldiging gekenmerk word te hanteer. In hierdie tyd neem frustrasie toe en angsvlakke styg geweldig. Die feit dat daar nie met sekerheid bepaal kan word wanneer die virus en sy oorsake tot ’n einde gaan kom nie bring groot uitdagings vir almal se emosionele welvaart mee. Dit is dan juis goed dat daar ’n gids soos hierdie in plek is. Ons is daarom dankbaar dat ons op hierdie manier saam met Ashleigh Yaman en Impact Therapy Centre kan werk. Dankie! Selfs in die post-COVID-19-tydperk sal hierdie gids steeds bruikbaar wees wanneer volwassenes weer al die stukke moet optel. Hulle kan dalk oorweldig voel as hulle weer moet gaan werk, dalk weer nuwe werk moet soek. Skole, onderwysers en leerders sal moontlik by ’n aangepaste kurrikulum moet aanpas; die gewone roetine van die jaar kan moontlik ook verander en dan moet almal by ’n nuwe roetine aanpas.

Die tegnieke in hierdie gids is vir enige krisis bruikbaar, onder andere boeliegedrag by kinders, en die gids kan deur ouers, onderwysers en leerders gebruik word. Dit is veral vir AfriForum Junior Jeugleierskap belangrik om om te sien na ons land se kinders en hulle veiligheid – fisies sowel as emosioneel.

Ons is oortuig dat hierdie gids ’n verskil sal maak in baie lewens!

Laai die Hulpbrongids vir COVID-19-grendeltyd en ander krisistye gratis hier af.

Vir kinders, ouers en onderwysers:

Vir ouers en onderwysers:

Mini-dokumentêr:

Herman Odendaal
AfriForum se kort-dokumentêr oor die verhaal van die 12-jarige Herman Odendaal:

EPISODE 1:

Leandie Bräsler
AfriForum se teenboelieveldtog skep bewusmaking rondom boeliegedrag

EPISODE 2:

Gerhard Nieuwoudt
AfriForum se teenboelieveldtog skep bewusmaking rondom boeliegedrag

EPISODE 3:

Prof. Elmarie Kritzinger
AfriForum se teenboelieveldtog skep bewusmaking

EPISODE 4:

Daniël Eloff
AfriForum se teenboelieveldtog skep bewusmaking rondom boeliegedrag

EPISODE 5:

Ashleigh Yaman
AfriForum se teenboelieveldtog skep bewusmaking rondom boeliegedrag

EPISODE 6:

Hui-Mari Meyer
AfriForum se teenboelieveldtog skep bewusmaking rondom boeliegedrag

  1. Kuberafknouery-webinaar

AfriForum se teenboelieveldtogspan bied ’n webinaar oor kuberafknouery aan by www.s-leer.co.za. Hierdie webinaar fokus op:

  • Boeliegedrag, met spesifieke fokus op kuberafknouery en wat dit alles behels
  • Kinders en die veilige gebruik van tegnologie, die internet en toepassings
  • Die gevaartekens van moontlike selfdoodpogings
  • Regsadvies: wat sê die wet oor boeliegedrag en kuberafknouery?

Sprekers:

  • Leandie Bräsler (AfriForum se bestuurder vir Junior Jeugleierskap)
  • Elmarie Kritzinger (Unisa)
  • Gerhard Nieuwoudt (distrikskoördineerder by AfriForum)
  • Daniël Eloff (prokureur by Hurter Spies Ingelyf)

Luister gratis na hierdie webinaar by: Kuberafknouery-webinaar: wat ouers en onderwysers alles moet weet oor kinders, boeliegedrag en die veilige gebruik van tegnologie

AfriForum en Solidariteit Helpende Hand vat hande met die veldtog #EkIsWondermeisie. Dit is waar AfriForum se teenboelieveldtog en Helpende Hand se FroueVonds en #HelpHetta-projek saamsmelt om ’n verskil te maak in behoeftige meisies se lewens. Vanjaar lê dié organisasies besoek af by skole in die Oos-Kaap.

AfriForum se teenboelieveldtog fokus op die bemagtiging van jongmense en om hulle toe te rus met die nodige kennis en vaardighede om boeliegedrag hok te slaan. Soms vind innerlike boeliegedrag plaas, veral onder jong meisies.

Drieduisend skoolgaande meisies se lewens kom elke maand vir vyf dae tot stilstand, omdat hul huishoudings nie sanitêre ware kan bekostig nie. Die #HelpHetta-projek versprei sanitêre ware en ander noodsaaklike higiëniese produkte aan hierdie meisies op ’n kwartaallikse basis. Hierdie Hetta-meisies ontvang ook opleiding in verskillende kwessies, soos verwerping, groepsdruk, selfverdediging en mishandeling. Verder word hulle emosioneel en geestelik ondersteun deur gereelde WhatsApp-boodskappe. Die inhoud word deur Helpende Hand se span maatskaplike werkers saamgestel. Besoek www.helphetta.co.za vir meer inligting.

In ’n gebroke en mededingende wêreld is dit juis nodig om meisies te bemagtig om uit te staan in hierdie wêreld deur hulle aan te spoor om net hulself te wees. Tydens die Help Hetta-toer word baie elemente van AfriForum se teenboelieveldtog gebruik, waar daar gesels gaan word oor die belangrikheid van selfwaarde en dat ons ons waarde nie in hierdie wêreld moet soek nie, maar dat ons klaar waardig is in God se oë. Meisies is geneig om hulself af te breek deur middel van vergelyking en die gebruik van sosiale media – dit knak baie keer hulle selfvertroue. Dit is belangrik dat meisies ook op so manier bemagtig word dat hulle moet besef dat hulle liggame ’n tempel van Jesus Christus is en dat hulle hul eie liggame moet respekteer en bewaar en dat hulle liggame ook deur ander gerespekteer moet word. #EkIsWondermeisie sal die meisies ook leer om hulle volle wapenrusting aan te trek.

Ontmoet die #EkIsWondermeisie-span

Benette Welman

Projekorganiseerder by Solidariteit Helpende Hand

Rol by projek: As projekorganiseerder van die #HelpHetta-projek is dit haar voorreg om daagliks om te sien na die holistiese welstand van 3 000 skoolgaande meisies regoor Suid-Afrika. Ons verseker dat die meisies sanitêre ware ontvang, maar ons maak ook bemoeienis met elke ander faset van hul lewens, sodat hul toegerus is om die lewe met beide hande aan te gryp.

Leandie Bräsler

Bestuurder: Juniorjeugleierskapontwikkeling by AfriForum

Rol by projek: Tydens die #HelpHetta-toer tree sy as motiveringspreker op met die doel om meisies te bemagtig met die #EkIsWondermeisie-praatjie wat ook deel vorm van AfriForum se teenboelieveldtog.

Bernadette Nel-Naude

Gemeenskapontwikkelingsbestuurder by Atlas Sekuriteit in Port Elizabeth

Bernadette is die gesig van die maatskappy Atlas Sekuriteit in die Port Elizabeth-gemeenskap en die gesig van die gemeenskap in die maatskappy. Sy spandeer haar dae in die gemeenskap om mense te leer en te bemagtig oor hoe om hulself te beveilig. Tydens haar beroep in die sekuriteitsveld het sy ondervind dat misdaad teen vrouens meer en meer word en dat dit ’n negatiewe impak het op die groei en ontwikkeling van jong meisies. Sy het toe besluit om alles moontlik te doen om te fokus om hierdie teikengroep te bemagtig en te beveilig deur by die skole, vroueverenigings, forums, ens. veiligheidstoesprake en selfverdedigingswerkswinkels aan te bied.

Tania Scheepers

Projekassistent: Onderwys by AfriForum

Rol by projek: Tania is ’n hardwerkende vrou wat tydens die #HelpHetta-toer alle nodige administratiewe reëlings tref van AfriForum se kant af. Sy maak ook seker dat daar foto’s en video’s tydens die toer geneem word vir AfriForum se sosialemediaplatforms, soos Facebook, Instagram en TikTok.