AfriForum-Dienstegids
AfriForum is ’n burgerregteorganisasie wat bestaan om Afrikanergemeenskappe te organiseer en in ’n dinamiese netwerk saam te snoer. Sodoende kan gemeenskapskrag ontsluit en gemobiliseer word om bestaande werklikhede te beïnvloed en selfstandigheid te bewerkstellig. Op dié wyse kan ’n vry, veilige en voorspoedige toekoms vir Afrikaners aan die suidpunt van Afrika help verseker word, terwyl daar terselfdertyd brûe na ander gemeenskappe gebou word op ’n grondslag van wedersydse erkenning en respek.
Wat bied AfriForum vir my?
Ledevoordele
Forum Sekuriteit Aviation & Training
Forum Sekuriteit Aviation & Training (FSAT) is ’n gespesialiseerde opleidingsverskaffer. Dit bied ’n omvattende verskeidenheid kursusse aan wat gemik is op lugvaart, veiligheid en noodreaksie.
FSAT bied ’n volledige verskeidenheid kursusse in afstandbeheerde lugvaart aan, insluitend die volgende:
- RPC-instrukteurskursus
- RPC (Remote Pilot Certificate)
- BVLOS (Beyond Visual Line of Sight)
Ons verbintenis tot uitnemendheid word bewys deur ons waardetoevoeging tot elke student. Ons bied gratis RT (Radiotelefonie)-klasse aan alle RPC-studente om hulle vir die amptelike RT-eksamen voor te berei.
FSAT bied ook gespesialiseerde kursusse ter ondersteuning van die sekuriteits- en veiligheidsbedrywe aan, naamlik PSiRA Sekuriteitsgraad-opleiding (graad A tot E), asook noodhulp- en brandbestrydingsopleiding wat praktiese en teoretiese toetse insluit.
Verder help FSAT met die ontwikkeling van vaardighede vir gespesialiseerde operasionele vlugte, soos sonpaneelinspeksies, gholfbaaninspeksies, sekuriteitwaarnemingsvlugte en bystand aan noodgevalle.
