AfriForum-Dienstegids
AfriForum is ’n burgerregteorganisasie wat bestaan om Afrikanergemeenskappe te organiseer en in ’n dinamiese netwerk saam te snoer. Sodoende kan gemeenskapskrag ontsluit en gemobiliseer word om bestaande werklikhede te beïnvloed en selfstandigheid te bewerkstellig. Op dié wyse kan ’n vry, veilige en voorspoedige toekoms vir Afrikaners aan die suidpunt van Afrika help verseker word, terwyl daar terselfdertyd brûe na ander gemeenskappe gebou word op ’n grondslag van wedersydse erkenning en respek.
Wat bied AfriForum vir my?
Ledevoordele
Forum Sekuriteit Dienste
Die hoofdoelstelling van Forum Sekuriteit is om doeltreffende sekuriteitsdienste te lewer en om daardeur die grondwetlike regte van gemeenskappe en die publiek ten opsigte van veiligheid en sekuriteit te beskerm.
Forum Sekuriteit se beheerkamer bied 24/7-kameramonitering deur gebruik te maak van die nuutste tegnologie in die bedryf.
Forum Sekuriteit moniteer nie net ’n aantal kameras dwarsoor Suid-Afrika nie, maar die beheerkamer is ook by verskeie ander netwerke ingeskakel om in noodsituasies vinnig te kan optree.
