AfriForum-Dienstegids
AfriForum is ’n burgerregteorganisasie wat bestaan om Afrikanergemeenskappe te organiseer en in ’n dinamiese netwerk saam te snoer. Sodoende kan gemeenskapskrag ontsluit en gemobiliseer word om bestaande werklikhede te beïnvloed en selfstandigheid te bewerkstellig. Op dié wyse kan ’n vry, veilige en voorspoedige toekoms vir Afrikaners aan die suidpunt van Afrika help verseker word, terwyl daar terselfdertyd brûe na ander gemeenskappe gebou word op ’n grondslag van wedersydse erkenning en respek.
Wat bied AfriForum vir my?
Ledevoordele
kaartjies.co.za
AfriForum is daaraan toegewy om ons Afrikaanse kultuur en kunste te ondersteun. Ons glo aan die krag van kultuur om gemeenskappe te verenig en ons Afrikaanse erfenis te laat voortleef. Daarom is ons vasbeslote om die waarde hiervan te bevorder.
Ons het die kaartjies.co.za-platform geskep waar AfriForum, kunstenaars en gemeenskappe sáám kan groei en floreer.
Die kaartjies.co.za-platform bied die volgende voordele:
- Geniet die nuutste tegnologie met ’n gebruikersvriendelike webtuiste wat volgens jou korporatiewe identiteit aangepas kan word.
- Die platform bied ’n mededingende kostestruktuur vir skole en ander Afrikaanse organisasies.
- Jy kan jou eie vloeruitleg bepaal, en die kaartjies.co.za-platform sal die kaartjies daarvolgens verkoop.
- Die kaartjies word per e-pos of WhatsApp-boodskap aan jou kliënte gestuur.
- Dit is ’n volledige bestuursinligtingstelsel met besonder bruikbare inligting oor kaartjieverkope wat aan die kliënt gestuur sal word, indien nodig.
