AfriForum-Dienstegids
AfriForum is ’n burgerregteorganisasie wat bestaan om Afrikanergemeenskappe te organiseer en in ’n dinamiese netwerk saam te snoer. Sodoende kan gemeenskapskrag ontsluit en gemobiliseer word om bestaande werklikhede te beïnvloed en selfstandigheid te bewerkstellig. Op dié wyse kan ’n vry, veilige en voorspoedige toekoms vir Afrikaners aan die suidpunt van Afrika help verseker word, terwyl daar terselfdertyd brûe na ander gemeenskappe gebou word op ’n grondslag van wedersydse erkenning en respek.
Wat bied AfriForum vir my?
Ledevoordele
Regs en risiko
AfriForum se regs-en-risikoafdeling dien en beskerm die organisasie en sy filiale met intydse, relevante, dinamiese en doeltreffende regsadvies en ondersteuning.
Gemeenskapsveiligheidgeoriënteerde dienste sluit in:
- hantering van regsverwante navrae van die publiek en personeel
- regsondersteuning aan AfriForum se buurtwagte en ander veiligheidstrukture
- aanbied van opleiding vir AfriForum se veiligheidstrukture en buurtwagte
- toespreek van gemeenskappe
- onderhandeling, opstel en nagaan van ooreenkomste wat AfriForum en sy buurtwagte bind
- mediaskakeling
- regs- en ander ondersteuning tydens veldtogte
- regsnavorsing
- opstel van regsopinies
- bestuur van AfriForum se paneel prokureurs
- litigasie
- opstel en nagaan van beleide en standaardwerksprosedures
- skryf van meningstukke
- bestuur van AfriForum se regstelsel
- ontplooiing van regsbeamptes gedurende sensitiewe operasies.
